Астана қарқынды дамып, Қазақстанның саяси, экономикалық және іскерлік орталығы ретіндегі мәртебесін нығайтып келеді. Соңғы жылдары елорданың келбеті айтарлықтай өзгерді. Заманауи тұрғын үй кешендері бой көтеріп, білім беру және медицина мекемелері салынып, жол желісі кеңейіп, жаңа қоғамдық кеңістіктер ашылуда. Сонымен қатар қаланың қарқынды өсуі жергілікті билік органдарының алдына тұрғындардың өмір сүру сапасын арттыру, коммуналдық инфрақұрылымды жаңғырту және әрбір азаматқа қолайлы жағдай жасау сияқты маңызды міндеттер қойып отыр.
Бүгінде елорданың даму деңгейі тек салынған нысандардың санымен немесе инвестициялық жобалардың ауқымымен ғана өлшенбейді. Аулаішілік жолдардың жағдайы, электр энергиясының үздіксіз берілуі, тұрғын үйлердің қауіпсіздігі, қоғамдық көліктің қолжетімділігі, абаттандыру сапасы, балалардың білім алып, жан-жақты дамуына жасалған мүмкіндіктер де маңызды көрсеткіштерге айналды.
Дәл осы мәселелер «ӘДІЛЕТ» партиясынан Астана қалалық мәслихатының депутаттығына №3 бірмандаттық сайлау округі бойынша кандидат Евгений Хайруллаұлы Курманбаевтың басты назарында.
Оның қаланы дамытуға қатысты ұстанымы оң өзгерістер ең алдымен тұрғындардың күнделікті өмірінен көрінуі тиіс деген қағидаға негізделген. Өйткені әрбір инфрақұрылымдық жобаның артында қауіпсіз, абаттандырылған әрі заманауи ауданда өмір сүргісі келетін мыңдаған қала тұрғынының мүддесі тұр.
Кәсіби тәжірибе және нәтижеге деген жауапкершілік
Евгений Курманбаев 1974 жылы Қарағанды қаласында дүниеге келген. Қазақстан Республикасы Ішкі істер министрлігінің Қарағанды жоғары мектебін заңгер-құқықтанушы мамандығы бойынша тәмамдаған.
Еңбек жолын құқық қорғау органдарында бастап, Қарағанды қаласындағы аудандық ішкі істер басқармасында аға тергеуші қызметін атқарған. Кейін заң саласындағы қызметін жалғастырып, өңірлік банкте және ірі компанияларда заңгер болып жұмыс істеген.
Оның кәсіби қызметінің елеулі бөлігі кәсіпкерлік саласымен байланысты. Әр жылдары азық-түлік өнімдерінің көтерме саудасымен айналысып, сауда үйлерін дамыту және құрылыс жобаларын жүзеге асыру бағытында еңбек еткен. Бұл тәжірибе оған бизнесті жүргізу ерекшеліктерін, басқару мәселелерін, құрылыс жұмыстарын ұйымдастыру мен ірі бастамаларды іске асыру тетіктерін тереңірек түсінуге мүмкіндік берді.
Оның өмірбаянындағы маңызды жобалардың бірі – Теміртау қаласындағы №3 Орталық емхананың ашылуы. Евгений Курманбаев аталған жобаның бастамашысы болып, оны жүзеге асырудың түрлі кезеңдеріне тікелей қатысқан. Әртүрлі салада жинақтаған тәжірибесі оның ұйымдастырушылық, құқықтық және инфрақұрылымдық мәселелерді шешуге практикалық тұрғыдан қарауына негіз болды. Қоғамдық қызметте ол нақты нәтижеге қол жеткізуге, қабылданған міндеттемелердің орындалуына және шешімдердің ашықтығына ерекше мән беруді көздейді.
Заманауи инфрақұрылым – қолайлы қалалық ортаның негізі
Астананы дамытудың маңызды бағыттарының бірі – қалалық инфрақұрылымды жаңғырту. Халық санының артуы, тұрғын үй құрылысының кеңеюі және көлік қозғалысының көбеюі инженерлік коммуникацияларды, жол желісін және коммуналдық шаруашылықты жүйелі түрде жаңартуды талап етеді.
Евгений Курманбаев Железнодорожный тұрғын алабының дамуына ерекше көңіл бөледі. Бұл аумақта жолдардың жағдайы, инженерлік желілердің сапасы, көлік қатынасының қолжетімділігі және абаттандыру мәселелері өзекті болып отыр. Мұндай аумақтарды кешенді дамыту бүкіл елорда үшін маңызды. Сапалы автомобиль жолдары, сенімді коммуналдық жүйелер мен заманауи көше жарықтандыруы тұрғындардың жүріп-тұруына қолайлы жағдай жасап қана қоймай, олардың қауіпсіздігі мен өмір сүру сапасына да тікелей әсер етеді.
Маңызды міндеттердің бірі – жолдар мен инженерлік желілерді қайта жаңғырту жұмыстарының уақытылы әрі сапалы орындалуын қамтамасыз ету. Бұл ретте құрылыс талаптарының сақталуына, белгіленген мерзімдердің орындалуына және бөлінген қаражаттың тиімді жұмсалуына бақылау жасау ерекше мәнге ие.
Ұзындығы 2,06 шақырым болатын А1 көшесіндегі автомобиль жолының құрылысын қайта бастау мәселесі де назар аударуды қажет етеді. Аталған жобаның жүзеге асырылуы көлік қатынасын жақсартып, тұрғындардың қала ішінде қатынауына қолайлы жағдай жасауға мүмкіндік береді.
Жаңа жолдарды салумен қатар, аулаішілік жолдар мен инженерлік коммуникацияларды қайта жаңғырту бойынша бұрын басталған жұмыстарды аяқтау да маңызды. Өйткені абаттандырылған аулаларсыз, ыңғайлы кіреберіс жолдарсыз және сапалы коммуналдық инфрақұрылымсыз толыққанды қалалық ортаны қалыптастыру мүмкін емес.
Тұрақты электрмен жабдықтау және инженерлік желілерді жаңғырту
Тіршілікті қамтамасыз ететін жүйелердің тұрақты жұмыс істеуі – заманауи қаладағы жайлы өмірдің басты шарттарының бірі. Климаттық ерекшеліктері мен жылыту маусымының ұзақтығын ескерсек, Астана үшін инженерлік инфрақұрылымның сенімділігі айрықша маңызға ие.
Электр энергиясының үзіліспен берілуі жүйелі шешімді талап етеді. Ол қолданыстағы электр желілерін жаңғыртуды, апаттық ажыратулардың себептерін анықтауды және тұрғын үйлерді электрмен жабдықтау жүйесінің тұрақтылығын арттыруды қамтиды.
Инфрақұрылым саласындағы маңызды мәселелердің бірі – құрылысы 2015 жылы басталған «Казбек» электр қосалқы станциясын аяқтау.
Евгений Курманбаев бұл нысанның құрылысын аяқтау мәселесін қарауға бастамашылық жасап, оны пайдалануға берудің нақты мерзімдерін белгілеуге күш салуды көздейді.
Коммуналдық инфрақұрылымды дамыту тек бүгінгі мәселелерді шешу ғана емес, елорданың болашағына салынған инвестиция ретінде қарастырылуы тиіс. Заманауи инженерлік желілер тұрғын үй құрылысын одан әрі дамытуға, кәсіпкерлікті өркендетуге және қалалық аудандардың тартымдылығын арттыруға қажетті жағдай жасайды.
Балалар мен жастарға арналған жаңа мүмкіндіктер
Кез келген қаланың дамуында өскелең ұрпақтың тәрбиесіне, білім алуына және жан-жақты жетілуіне жағдай жасаудың маңызы зор.
Астана жыл өткен сайын жас отбасылар көптеп қоныстанатын қалаға айналып келеді. Осыған байланысты балалардың қабілетін ашуға, қосымша білім алуына және бос уақытын тиімді өткізуіне мүмкіндік беретін білім беру, мәдениет және спорт нысандарына деген сұраныс та артып отыр.
Евгений Курманбаевтың бастамаларының бірі – №3 сайлау округінің аумағында жаңа Оқушылар сарайын салу. Мұндай нысан қосымша білім беру, шығармашылық, спорт және зияткерлік даму бағыттарын біріктіріп, балалар мен жасөспірімдер үшін маңызды орталыққа айналуы мүмкін.
Жастарға арналған заманауи инфрақұрылымды қалыптастырудың ұзақмерзімді маңызы бар. Өйткені қаланың бүгінгі таңда балаларға ұсынатын мүмкіндіктері оның болашақтағы адами әлеуетін, білім деңгейін және даму перспективасын айқындайды.
Тұрғын үйлердің қауіпсіздігі және аяқталмаған құрылыс нысандарының мәселесі
Қолайлы қалалық ортаны қалыптастыру үшін тұрғындардың өз үйі мен айналасындағы аумақтың қауіпсіздігіне сенімді болуы маңызды.
Елорда дамып, жаңарған сайын көппәтерлі тұрғын үйлердің техникалық жағдайы, құрылыс материалдарының сапасы және ықтимал қауіптердің алдын алу мәселелері өзектілігін арттырып келеді.
Ерекше назар аударуды қажет ететін міндеттердің бірі – көппәтерлі тұрғын үйлердің қасбеттерін қаптау материалдарының қаншалықты берік бекітілгенін анықтау мақсатында техникалық тексеру жүргізу. Уақытылы тексеру және анықталған кемшіліктерді жою қауіпті жағдайлардың алдын алып, тұрғындардың қауіпсіздігін қамтамасыз етуге мүмкіндік береді.
Аяқталмаған құрылыс нысандары мен қараусыз қалған ғимараттар да өзекті мәселелердің қатарында. Мұндай нысандар аудандардың сәулеттік келбетіне кері әсер етіп, тұрғындарға қолайсыздық туғызуы және айналадағы аумақтың қауіпсіздігіне қатысты алаңдаушылық тудыруы мүмкін. Атап айтқанда, Құдайбердіұлы даңғылындағы 14/2 мекенжайында орналасқан қараусыз қалған ғимарат пен Мұстафин көшесіндегі ұзақ жылдар бойы аяқталмай тұрған құрылыс нысаны назар аударуды қажет етеді.
Осындай мәселелерді шешу жергілікті атқарушы органдардың, жауапты ұйымдардың және мүдделі тараптардың өзара іс-қимылын талап етеді. Бұл ретте мәселені көтерумен ғана шектелмей, оны шешудің нақты тетіктерін айқындау және қабылданған шешімдердің орындалуын бақылау маңызды.
Тұрғындармен ашық диалог – елорда дамуының негізі
Астананың заманауи қала ретінде дамуы тұрғындардың белсенді қатысуынсыз мүмкін емес. Өз ауданының қажеттіліктерін, күнделікті кездесетін инфрақұрылымдық мәселелерді ең жақсы білетін де, оларды шешудің тиімді жолдарын ұсына алатын да сол жердің тұрғындары.
Евгений Курманбаев халық, депутаттық корпус және жергілікті атқарушы органдар арасында тұрақты әрі сындарлы диалог орнатуды маңызды деп санайды.
Мұндай ұстаным азаматтардың өтініштерін қараумен ғана шектелмейді. Ол көтерілген мәселелерді нақты шешілгенге дейін жүйелі түрде қадағалауды, жұмыстардың орындалу мерзімдерін бақылауды және қол жеткізілген нәтижелер туралы тұрғындарды хабардар етуді қамтиды. Халық үшін маңызды мәселелерді қаланың даму жоспарларына уақытылы енгізу аудандардың жүйелі дамуына және бюджет қаражатының тиімді пайдаланылуына ықпал ете алады.
Астананың болашағы бүгін қалыптасады
Астананың одан әрі дамуына мүмкіндік беретін әлеуеті зор. Кәсіпкерлікті дамыту, әлеуметтік инфрақұрылымды кеңейту, инженерлік желілерді жаңғырту және қалалық ортаның сапасын арттыру елорда тұрғындары үшін жаңа мүмкіндіктер ашады.
Дегенмен ірі қаланың тұрақты дамуы ең алдымен жергілікті деңгейдегі нақты мәселелерді шешуден басталады. Жөнделген жол, жарықтандырылған көше, тұрақты электрмен жабдықтау, қауіпсіз тұрғын үй және балалардың білім алуына қолайлы жағдай – халықтың өмір сүру сапасын арттыратын маңызды өзгерістер.
Евгений Курманбаев №3 сайлау округінің алдағы дамуын инфрақұрылымды жүйелі жаңартумен, қордаланған мәселелерді шешумен және тұрғындардың мүддесіне жауапкершілікпен қараумен байланыстырады.
Оның ұстанымының негізінде нақты нәтижеге қол жеткізуге ұмтылыс, қабылданатын шешімдердің ашықтығы және азаматтардың өтініштеріне жіті назар аудару жатыр.
Өйткені елорданың болашағы тек ауқымды сәулет жобаларымен ғана емес, әрбір тұрғынның өмірі қаншалықты жайлы, қауіпсіз әрі қолайлы болатынымен де айқындалады.
Астана қаласының аумақтық сайлау комиссиясы республикалық бюджет қаражаты есебінен төледі. Тапсырыс беруші: Астана қаласы мәслихатының депутаттығына кандидат Құрманбаев Е. Дайындаған: «Qazyna Times» ақпарат агенттігі. 010000, Астана қаласы, Ш. Кудайбердыулы д, № 4, 157к Тел:+7 771 262 1830
